«Իրականացվում է «օրհնյալ սապոգ» օպերացիայի երկրորդ փուլը». Արա Պապյան

Դիվանագետ Արա Պապյանը ֆեյսբուքյան իր էջում գրել է. «Մի՞թե չեք հասկանում՝ ինչ է տեղի ունենում: Իրականացվում է «օրհնյալ սապոգ» օպերացիայի երկրորդ փուլը: Այն է՝ Հայաստանի «սիրահոժար» ներառումը Ռուսաստանի կազմի մեջ: Հիմնական դերն այս հարցում վերապահված է Նիկոլին և նրա շրջապատին: Դա նրանք անում են գիտակցաբար, թե արդեն սովորական դարձած ապիկարության ու տգետության պատճառով՝ ցույց կտա մոտիկ ապագան:

Հայաստանը ներքաշվում է անորոշության, քաոսի, անապահովության և նորանոր տարածքների կորստի սպառնալիքի հորձանուտի մեջ: Նման իրավիճակում ցանկացած բանական մարդ ձգտելու է կայունության, հստակության և ապահովության: Վախը զանգվածներին կառավարելու ամենահզոր միջոցն է: Դա ամենաբնական զգացողությունն է: Հենց այստեղ էլ Ռուսաստանի կազմի մեջ մտնելն առաջակվելու է որպես լավագույն այլընտրանք և իրավիճակից դուրս գալու միակ հնարավոր ուղի: Քարոզչական աշխատանքներն արդեն սկսված են: Մի անգամ դա արդեն փորձարկվել և աշխատել է 1920թ. սեպտեմբեր-նոյեմբերի հայ-թուրքական պատերազմով: Ինչո՞ւ չպիտի աշխատի 2020թ. սեպտեմբեր-նոյեմբերի պատերազմով: Հատկապես, երբ ՀՀ ներկա ղեկավարությունն իր մարդկային, կամային և կազմակերպական հատկություններով էապես զիջում է 1920թ. ղեկավարությանը:

«Ողբամ զքեզ, Հայոց աշխարհ, ողբամ զքեզ, հանուրց հիւսիսականաց վեհագոյն. զի բարձաւ թագաւոր եւ քահանայ, խորհրդական եւ ուսուցող. վրդովեցաւ խաղաղութիւն, ամրատացաւ անկարգութիւն. դրդուեսաւ ուղղափառութիւն, կայկայեցաւ տգիտութեամբ չարափառութիւն»: Մովսես, որ է Խորենական աշխահից»: