«Երեք մարդ կա, որ իր քաղաքական կարիերան կառուցել է Հոկտեմբերի 27-ի զոհերի արյան վրա»․ Միքայել Մինասյան

«Երեք մարդ կա, որ իր քաղաքական կարիերան կառուցել են Հոկտեմբերի 27-ի զոհերի արյան վրա․ Արամ Զավենի Սարգսյանը, որն իր եղբոր արձանը պղծողների հետ բանակցում է։ Երկրորդ անձը Վաղարշակ Հարությունյանն է, որն արդեն երկրորդ անգամ է Պաշտպանության նախարար և ոչնչով չի զբաղվում, իսկ երրորդը՝ Անդրանիկ Քոչարյանը»,- խոսելով հոկտեմբերի 27-ի մասին, այսօր իր հրապարակած Requiem 4-րդ տեսանյութում, հայտարարել է Սուրբ Աթոռում ՀՀ նախկին դեսպան Միքայել Մինասյանը։

«Անդրանիկ Քոչարյան, մի վիժվածք, որը մի ամբողջ կյանք ասում էր, որ Ռոբերտը, Սերժը ուզում էին Մեղրին տալ, Վազգենը դեմ էր, ես գիտեի, դրա համար Վազգենին սպանեցին»,- ասել է նա:

Միքայել Մինասյանի խոսքով՝ լեգենդները շատ են, բայց ամենակարևոր լեգենդը թալանն է: «2,5 տարիների ընթացքում ես անձամբ, փաստերով բացահայտել եմ ավելի քան 15 կոնկրետ թալանի դեպքեր, քանի՞ անգամ է քրեական գործ հարուցվել՝ զրո: 2,5 տարվա ընթացքում Նիկոլ Փաշինյանը չի բացահայտել ոչ մի թալանի դեպք, կոնկրետ թալանի հետ կապված ոչ մի քրեական գործ չի ավարտվել»։