«Դուք հիմա ապօրինի որոշում եք կայացնում». Խաժակյանը՝ փոխքաղաքապետին

Երևանի ավագանու այսօրվա նիստում «Լույս» խմբակցության ղեկավար Դավիթ Խաժակյանն առաջարկեց Կառավարության և վարչապետի հրաժարականի պահանջով ուղերձի նախագիծը ներառել նիստի օրակարգում:

«Ինչպես հայտնի է, ես և Թեհմինա Վարդանյանը, օրենքով սահմանված կարգով, շրջանառության մեջ ենք դրել Կառավարությանն ուղղված ուղերձ ընդունելու մասին որոշում»,- ասաց նա:

Ի պատասխան Խաժակյանի՝ փոխքաղաքապետը նշեց, որ օրակարգում հարցը ներառելու համար պետք է ունենալ անդամների մեկ երրորդի ստորագրությունը:

«Ձեր մեջբերած կետը վերաբերում է արտահերթ նիստ հրավիրելուն: Այժմ մենք գտնվում ենք հերթական նիստի ընթացքում»,- արձագանքեց Խաժակյանը:

«Ես արձանագրում եմ, որ դուք՝ որպես նիստը վարող, հիմա ապօրինի որոշում եք կայացնում՝ այն չներառելով օրակարգում: Դա ձեր լիազրությունների գերազանցում է»,- հավելեց նա: