«Խորհրդարանական ընդդիմադիր խմբակցությունները վաղը ԱԺ արտահերթ նիստ են նախաձեռնել

«Խորհրդարանական ընդդիմադիր խմբակցություններ «Բարգավաճ Հայաստանը» և «Լուսավոր Հայաստան» վաղը նախաձեռնել են Ազգային ժողովի արտահերթ նիստ։ Օրակարգում ռազմական դրության չեղարկման հարցն է։ Բոլորդ գիտեք, որ այս իշխանությունը, արհեստականորեն ձգձգելով ռազմական դրությունը, ընդամենը փորձում է սահմանափակել այդտեղ հավաքված մարդկանց գործողությունները։ Մենք հանդես ենք եկել արտահերթ նիստ գումարելու հրավիրելու իրավունքով, եթե իշխանությունը կունենա այնքան համարձակություն, որ վաղն «Իմ քայլը» խմբակցության պատգամավորները գան խորհրդարան, հաստատեն օրակարգը և այս օրակարգով քննարկման կմտնեն, միգուցե դեռ ունենան վերջին հնարավորություն իրենց դեմքն ու ապագան փրկելու համար»,- Նիկոլ Փաշինյանի հրաժարականի պահանջով ընդդիմության հանրահավաքում հայտարարեց «Բարգավաճ Հայաստան» խմբակցության պատգամավոր Իվետա Տոնոյանը: