«Փաշինյանը մեզ խաբեց, թե հետ կբերի փողերը, բայց տվեց հողերը». Արա Սահակյան

«Հայրենիք» կուսակցության խորհրդի անդամ Արա Սահակյանն այսօր Հանրապետության հրապարակում հանրահավաքի ժամանակ ասաց, որ վերջին ամիսների իր՝ գլխավոր զգացումն ամոթն է. «Ես ամաչում եմ, որ իմ երկիրը ներկայացնում է այդ մարդը՝ Փաշինյանը, ես ամաչում եմ, որ նա դեռ նստած է այնտեղ, ամոթը մնալու է իր գնալուց հետո նույնպես, որ մենք հանդուրժել ենք ոչինչ իրենից չներկայացնող մարդուն, որ իշխի այս երկրում: Փաշինյանը կործանեց մեր պատմության 33 տարիների արդյունքները, որպես խաղամոլ՝ տանուլ տվեց մեր երկիրը, նա ոչնչացրեց մի սերնդի կյանքի արդյունքները: Փաշինյանը մեզ խաբեց, թե հետ կբերի փողերը, բայց տվեց հողերը»,- ասաց նա: