«Մահակներ էին օգտագործվում, մարդկանց գցել էին գետնին»․ Արման Աբովյան

Այսօր ոստիկանության բոլոր ստորաբաժանումների կողմից շատ բիրտ ուժ է կիրառվել: Այս մասին Կառավարության մոտ անցկացվող բողոքի ակցիայի ժամանակ ասաց «Բարգավաճ Հայաստան» խմբակցության քարտուղար Արման Աբովյանը:
«Մահակներ էին օգտագործվում, մարդկանց գցել էին գետնին, բավականին լուրջ, շատ վատ բաներ էին տեղի ունենում: Մենք ոստիկանության վերադասների հետ խոսեցինք, իրենք զարմանք արտահայտեցին՝ թե չգիտեն, բայց ես հստակ հասկանում եմ, որ կար հրաման մարդկանց ինչ-որ կերպ դուրս հանելու։ Մենք մեր պատգամավորական լիազորությունների ներքո կանենք ամեն ինչ, որ մեղավորները պատժվեն»,- հայտարարեց պատգամավորը: