«Վարչապետի հրամանն օրենք չէ». ՀՀ փոխոստիկանապետ

ՀՀ ոստիկանության պետի տեղակալ Արա Ֆիդանյանն այսօր լրագրողների հետ զրույցում նշեց, որ իրավապահ համակարգից մի շարք բարձրաստիճան պաշտոնյաների՝ աշխատանքից դուրս գալու որոշումն իրենց անձնական դիրքորոշման հարցն է։

«Հիմնականում դրանք կապված են անձնական խնդիրների հետ։ Քաղաքական դիրքորոշման պատճառով ոստիկանությունից ազատման դեպքեր գրեթե չեն եղել»,- ասաց Ֆիդանյանը։

«Եթե նորից հրաման լինի վարչապետի կողմից, թե ուզում եմ արյան գետեր հոսեն, կկատարե՞ք այդ հրամանը»,- փոխոստիկանապետից հետաքրքրվեցին լրագրողները։

Ի պատասխան նա ասաց․ «Մենք կապահովենք օրենքով մեզ վերապահված գործառույթները։ Օրենքով եթե դուք գտնեք նման կետ, ապա ինձ տեղեկացրեք»։

Հարցին, թե վարչապետի հրամաններն իրենց համար օրե՞նք են, Ֆիդանյանը պատասխանեց․ «Վարչապետի հրամանն օրենք չէ»։