«2․5 ժամ մեր ստորաբաժանումը մնացել էր ձնամրրիկի մեջ․ օգնություն չհասավ․ սա աբսուրդ է»․ Մոնախ

Մոնախ անունով հայտնի Արթուր Այվազյանը վերադարձել է Սյունիքից, և այսօր՝ մամուլի ասուլիսի ժամանակ մանրամասներ է ներկայացրել տիրող իրավիճակից և այն խնդիրներից, որոնց ինքը հանդիպել է։

«Պիտի գնայինք մեր հայրենիքի սահմանները պահելու, ճանապարհին գիշերը ուշ ժամին ընկանք ձնամրրիկի մեջ, մեքենան խափանվեց, մեքենա, որը տեղափոխում էր մի ամբողջ ստորաբաժանում։ 2,5 ժամից ավելի ես կապ եմ հաստատել Արտակարգ իրավիճակների նախարարության հետ։ Նրանք մեզ կապել են և՛ ԱԱԾ-ի հետ, և՛ ոստիկանության, և՛ առաջին բանակային կորպուսի հետ, որևէ մեկը մեզ օգնություն չի ցուցաբերել։ 2,5 ժամ շարունակ մի ամբողջ ստոաբաժանում ձնամրրիկի մեջ պայքարել ա։ Հետո պատահական անցնող մի մեքենայի միջոցով քարշակ ենք ստեղծել և դուրս ենք եկել ճանապարհից։ Պատկերացրեք, եթե ստորաբաժանումն է 2,5 ժամ մնում ձնամրրիկի մեջ, սովորական քաղաքացու մնալու դեպքում ես չգիտեմ, գուցե 15 րոպե հետո գային, կամ ընդհանրապես չգային։ Սա աբսուրդ է»,- ասաց Մոնախը։