«Պահանջում ենք արդար դատել». ակցիա՝ Կենտրոնի դատարանի դիմաց

«Դատական համակարգը պետք է ուշքի գա»,- Կենտրոնի դատարանի դիմաց ակցիայի ժամանակ հայտարարեց «Հեղափոխության պահապաններ» խմբի հիմնադիրներից Հայկ Ստեփանյանը: «Դատարանները սաբոտաժ անելով մերժում են քննչական մարմինների, ԱԱԾ-ի միջնորդությունները՝ կալանավորել մարդկանց, ովքեր լկտիաբար խախտում են օրենքը, քրեական հանցագործություններ են իրականացնում: Դատավորների սաբոտաժը նշանակում է, որ դատարանը ծառայում է ոչ թե Հայաստանին, այլ ինչ որ ուժերի, նեղ շրջանակների: Կոչ ենք անում դատավորներին՝ առաջնորդվել միմիայն ՀՀ սահմանադրությամբ ու օրենքներով: Դատարանը պետք է լինի արդար, անկաշառ»,- հայտարարեց Հայկ Ստեփանյանը: