«Ամեն ինչ անելու ենք, որ Նոր տարին սկսենք առանց Նիկոլի»․ Իշխան Սաղաթելյան

«Այս անգամ խոսքը վերաբերում էր ՀՔԾ-ի դիմաց իմ ելույթին։ Որևէ պարզաբանում չեմ տվել, բացատրություն չեմ տվել, որովհետև դրա անհրաժեշտությունը չկար։ Ինչ-որ ասել եմ՝ ճիշտ եմ ասել, շարունակելու եմ քաղաքական ելույթները։ Սա հայրենիքի փրկության պայքար է։ Որևէ մեկը ճնշում գործադրելով՝ մեզ լռեցնել չի կարող»,- դուրս գալով ոստիկանությունից ասաց ՀՅԴ ԳՄ անդամ Իշխան Սաղաթելյանը՝ հավելելով, որ բոլոր այն կարծիքները, թե պայքարը կարող է մարել, սխալ են․ «Վստահեցնում եմ, որ նման բան տեղի ունենալ չի կարող, և պայքարը գնալով ավելի է թեժանալու։ Ամեն ինչ անելու ենք, որ Նոր տարին սկսենք առանց Նիկոլի։ Եթե հանկարծ էնպես ստացվի, որ 2021-ը Նիկոլով սկսենք, ուրեմն այդ գիշերվանից սկսած՝ նույն վճռականությամբ, շարունակելու ենք պայքարը»,-ասաց Սաղաթելյանը։ Նա նշեց, որ այսօր և հաջորդ օրերին ևս անհնազանդության ակցիաները շարունակվելու են։