«Այս տղան պետք է պատասխան տա՝ ինչո՞ւ ազատվեց ԱԱԾ պետի պաշտոնից»․ Իշխան Սաղաթելյան

«Այդ տղան նախ պետք է պատասխան տա, թե ինչու ազատվեց ԱԱԾ պետի պաշտոնից, ինչ անելու կամ չանելու համար ազատվեց, որից հետո հասկանանք, թե հիմա ինչի են իրան գործուղել քննչական»,- անդրադառնալով ԱԱԾ նախկին տնօրեն Արգիշտի Քյարամյանի՝ ՔԿ նախագահի տեղակալի պաշտոնում նշանակվելու փաստին, ասաց ՀՅԴ ԳՄ անդամ Իշխան Սաղաթելյանը։ «Էս տղեն, էդ Արգիշտի Քյարամյանը, ընդամենը գործիք է, որին ժամանակին ուղարկել էին Վերահսկողական ծառայություն՝ մարդկանց գլխին բան սարքելու, հետո ուղարկեցին ԱԱԾ՝ մարդկանց գլխին բան սարքելու․ ինչքանո՞վ ստացվեց, ի՞նչը ձախողեց՝ չեմ կարող ասել։ Հիմա էլ ուղարկել են քննչական․․․ Էս խելագար իշխանության քայլերն են, որին բացատրություն չկա»,- շարունակեց նա՝ հավելելով․ «Մի բացատրություն կա՝ էս մարդն ուզում է անսրբություն մարդկանցով շրջապատի իրեն՝ ուժեղացնի իր համակարգը ուժայինների միջոցով, որ երկրում ռեպրեսիաներով հաստատի դիկտատուրա»։