Ինչո՞ւ հրաժարական տվեց Հունան Պողոսյանը և արդյոք հաջողվե՞ց նրան «կոտրել քրեական տարրերի ողնաշարը»

«Նա չկարողացավ համակերպվել այս դառը իրականության հետ, նոր իրադարձությունների հետ»,- պատասխանելով հարցին, թե ի՞նչն էր Սյունիքի նախկին մարզպետ Հունան Պողոսյանի հրաժարականի պատճառը, ասաց Կապանի համայնքապետ Գևորգ Փարսյանը։

Հարցին՝ հաջողվե՞ց արդյոք Հունան Պողոսյանին «կոտրել քրեական տարրերի ողնաշարը», ինչպես վարչապետն էր վստահեցնում, և արդյոք նման խնդիր կա՞ր Սյունիքում, համայնքապետը պատասխանեց․ «Դա վարչապետի հերթական արդարացումն էր, թե ինչու նախկիններից ինչ-որ մեկին բերեց, նշանակեց մարզպետ»։

Փարսյանի խոսքով՝ իրենք իրենց քաղաքական դիրքորոշումն արդեն հայտնել են, և՛ կառավարության, և՛ վարչապետի հրաժարականը հրատապ է, որպեսզի գոյություն ունեցող խնդիրներին արագ լուծում տրվեն։