«Կանոնավոր բանակից զորք այսօր է ուղարկվել Կապան»․ Գևորգ Փարսյան

Այսօր ԱԺ-ում տեղի ունեցած քննարկման ժամանակ ԲՀԿ-ական պատգամավոր Արտյոմ Ծառուկյանը հարցրեց Կապանի համայնքապետ Գևորգ Փարսյանին, թե երբ է ՊՆ-ը ներգրավվել Սյունիքի պաշտպանության մեջ:

«ՊՆ-ը Սյունիքի պաշտպանության մեջ ներգրավվել է հոկտեմբերի վերջից նոյեմբերի սկզբներին՝ գեներալ Մակարյանի գլխավորությամբ և իր շտաբով: Ինչ վերաբերում է մարտական հերթականությանը, ապա այսօր են ներգրավվել: Այսինքն՝ կանոնավոր բանակից զորք այսօր է ուղարկվել Կապան»,- պատասխանեց Փարսյանը՝ նշելով, որ մինչ այսօր Կապանի սահմանների պաշտպանությունն իրականացվել է կապանցիների, քաջարանցիների կողմից: