«Մենք նույնպես կունենանք վարչապետի մեր թեկնածուն». Ժիրայր Սէֆիլյան

«Ազգային ժողովրդավարական բևեռ»-ի նախաձեռնող խմբի անդամ Ժիրայր Սեֆիլյանն այսօր հարցազրույցի ժամանակ հայտնեց, որ եթե անհրաժեշտություն լինի, իրենք նույնպես կառաջադրեն վարչապետի իրենց թեկնածուին:

«Ես մի փոքր հույս ունեմ, որ գիտակից շերտը հասկանում է, որ անձերի մեջ չէ խնդիրը: Պիտի թիմ ձևավորվեր, և այդ թիմը պատասխանատվություն վերցներ իր վրա: Կարծում եմ՝ այս կատարվածն օգնելու է մեզ ընդլանելու այդ գիտակից մարդկանց շերտը: Սակայն ես չեմ կարծում, որ մեծամասնությունը պիտի լինի այդ կարծիքին, ուստի մենք պետք է աշխատենք հիմք նախապատրաստել և ծրագրի շուրջ համախմբել այդ թիմը, եթե անհրաժեշտ լինի, և մենք տեսնենք, որ այլ ընկալում չկա, պարտավոր ենք մատնացույց անելու մեր թեկնածուին»,- ասաց Սեֆիլյանը:

Նա հայտնեց, որ իրենք՝ նախաձեռնող խմբով քննարկում են այժմ, թե ով կարող է լինել իրենց թեկնածուն, բայց, ինչպես հայտնեց Սեֆիլյանը, դեռ չեն կողմնորոշվել:

Մանրամասները՝ տեսանյութում: