«Իշխանության ճակատագիրը պետք է որոշի ժողովուրդը»․ Ն․ Փաշինյան

«Ես առաջարկում եմ մեխանիզմ, որով լսվի բոլորի ձայնը, և այդ ձայների հարաբերկացությունը լինի կշռելի և չափելի։ Սա, ըստ էության, հանրային համերաշխություն ձևավորելու մի մեխանիզմ է։ Այն պետք է լսելի լինի և՛ մի կողմին, և՛ մյուս կողմին»,- Հանրային հեռուստաընկերության տաղավարում ասաց ՀՀ վարչապետ Նիկոլ Փաշինյանը՝ անդրադառնալով արտահերթ խորհրդարանական ընտրությունների անցկացմանը։ «Ինչի՞ մեջ է բանավեճը, ո՞վ պետք է որոշի իշխանության ճակատագիրը։ Իմ և ՀՀ սահմանդրությամբ նախանշված կանխավարկածն այն է, որ իշխանության ճակատագիրը պետք է որոշի ժողովուրդը»,- ասաց նա։

Խոսելով այդքան շահարկվող պարտության մասին, վարչապետը նշեց, որ կան տասնյակ վկայություններ այն մասին, թե ինչպես են մարդիկ, այդ թվում նաև բարձրաստիճան, դեռևս հայկական վերահսկողության տակ գտնվող բնակավայրերից հանել փողոցների լուսավորությունները․ «Չգիտեմ, միգուցե զրպարտո՞ւմ են, սո՞ւտ են ասում, բայց պետք է պարզե՞նք այս ամենը, թե չէ։ Այնպիսի մարդիկ կան, որոնք կապ ունեն նաև ընդդիմության հետ։ Ի վերջո, պետք է հասկանա՞նք այս ամենը, թե՞ ոչ։ Ի վերջո, նախընտրական քարոզարշավը հնարավորություն է, որ բոլորը կանգնեն ժողովորդի առաջ, և մեղադրանքները բարձրաձայնեն, ապացույցները ներկայացնեն, և մարդիկ էլ կատարեն իշխանության տնօրինողի իրենց դերը»,- ասաց Նիկոլ Փաշինյանը։