«Պահեստը լիքն է եղել զինամթերքով և կոնկրետ անձ, որի անունը տրվել է, հրաժարվել է կամավորներին զենք տրամադրել»․ վարչապետ

Հանրայինի եթերում վարչապետ Նիկոլ Փաշինյանը նշեց, որ հանդիպել է պատերազմին մասնակցած կամավորների հետ․ «Նրանք պատմեցին, որ ջոկատին զենքի համալրում թույլ չեն տվել կատարել և նրանք ստիպված են եղել կոտրել զինամթերքի պահեստը ու տեսել, որ այն լիքն է զենքով և զինամթերքով։ Սա պարտության պատճառների մեկն է։ Պահեստը լիքն է եղել զինամթերքով և կոնկրետ անձ, որի անունը տրվել է, հրաժարվել է նրանց զենք տրամադրել»,- ասաց վարչապետը՝ անդրադառնալով «պարտության պատերազմին»։

Հարցին՝ արդյոք սա դավադրությո՞ւն է, Փաշինյանը պատասխանեց․ «Չեմ կարող ասել, սակայն պատերազմի մասին բոլոր դրվագները պետք է հայտնի դառնան։ Այդ բոլոր հարցերը պետք է ստանան իրենց պատասխանները»։