Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Նոյեմբերի 9-ի հայտարարության մեջ ո՛չ Սյունիք, ո՛չ Մեղրի, ո՛չ միջանցք արտահայտություն գոյություն չունի»․ վարչապետ

«Նոյեմբերի 9-ի հայտարարության մեջ ո՛չ Սյունիք, ո՛չ Մեղրի, ո՛չ միջանցք արտահայտություն գոյություն չունի»․ վարչապետ
621
Կիրակի, 27 դեկտեմբերի, 2020 թ., 22:50

«Նոյեմբերի 9-ի հայտարարության մեջ ո՛չ Սյունիք, ո՛չ Մեղրի, ո՛չ միջանցք արտահայտություն գոյություն չունի, կա տրանսպորտային ուղիների դեբլոկադայի մասին պնդում»,-այս մասին Հանրային հեռուստաընկերության եթերում հայտարարել է վարչապետ Նիկոլ Փաշինյանը։

«Այսօր վերին Լարսը կրկին փակ է տրանսպորտային միջոցների համար և եթե պարզվի, որ ՀՀ-ն կարող է երկաթուղային հաղորդակցություն ունենալ Ռուսաստանի և Իրանի հետ Նախիջևանով, Ադրբեջանով, դա լա՞վ նորություն, թե՞ վատ նորություն կլինի»,- հարցադրում է արել վարչապետը։

«Եթե Նախիջևանով գնանք Իրան ու Ռուսաստան, մենք ոնց ենք պատկերացնում, պիտի ասենք՝ մենք Ադրբեջանի տարածքով պետք է գնանք Ռուսաստան, բայց Ադրբեջանը մեր տարածքով չպիտի գնա Նախիջևա՞ն։ Դա հնարավո՞ր է»,-նշեց Փաշինյանը։

Նրա խոսքով՝ այստեղ բազմաթիվ հարցեր կան, որոնք պետք է ճշտվեն, և եթե ամեն ինչ այդքան պարզ լիներ, 25-30 տարիների ընթացքում հարցը կլուծվեր։