«Քաղաքը միշտ այս վիճակում է լինելու, մինչև Փաշինյանը չհեռանա»․ Վազգեն Մանուկյան

«Հայրենիքի փրկության շարժման» վարչապետի թեկնածու Վազգեն Մանուկյանն այսօր Հանրապետության հրապարակում լրագրողների հետ զրույցում վերահաստատեց իրենց որդեգրած քաղաքականությունը, որ անհնազանդության ակցիաները շարունակվելու են այնքան ժամանակ, քանի դեռ Նիկոլ Փաշինյանը հրաժարական չի տվել։

«Ամեն օր են այս ակցիաները լինելու, մինչև Նիկոլ Փաշինյանը չհեռանա։ Քաղաքը միշտ էլ այս վիճակում է լինելու, որովհետև այն, ինչը արվեց, ներել հնարավոր չէ և այն, ինչը հիմա շարունակվում է, կործանարար է լինելու Հայաստանի համար»,- ասաց Մանուկյանը։