«Ճիշտ չէի համարում դրա մասին խոսել»․ Ալեն Սիմոնյան

Այսօր՝ լրագրողների հետ ճեպազրույցում, ԱԺ փոխխոսնակ Ալեն Սիմոնյանը, ի պատասխան հարցին, թե ինչու իշխանությունները չեն դիմել ՀԱՊԿ-ին, ասաց․ «Որովհետև Հայաստանն անդամակցում է ՀԱՊԿ-ին իր սահմաններով։ ՀԱՊԿ-ի սահման չի հանդիսանում Լեռնային Ղարաբաղը։ Իսկ երբ որ եղել է միջադեպ՝ կապված ՀՀ սահմանի հետ, դիմել ենք»։
Անդրադառնալով հրադադարից առաջ Մոսկվա աշխատանքային այցին, որոնց մասին, ըստ դիտարկման, պաշտոնական տեղեկություն չի եղել, Սիմոնյանն ասաց․ «Ճիշտ չէի համարում դրա մասին խոսել, հատկապես, երբ վերադարձա, արդեն հայտարարությունը կար»։ Նրա խոսքով այցի ժամանակ հանդիպումներ է ունեցել Պետդումայի և Դաշնային խորհրդի բոլոր ներկայացուցիչների հետ, քննարկվել է իրավիճակն այդ պահին և հնարավոր քայլերը՝ շուտափույթ լուծում տալու համար։