«Պարտության գլխավոր պատճառն այն էր, որ մենք բանակ չենք ստեղծել, որ պատերազմի». Սեֆիլյան

Պարտության գլխավոր պատճառն այն էր, որ մենք բանակ չենք ստեղծել, որ պատերազմի, «Ազատության» եթերում հավաստիացրեց «Ազգային ժողովրդավարական բևեռ»-ի նախաձեռնող խմբի անդամ Ժիրայր Սեֆիլյանը: «Դա՝ 95-96 թվականներից սկսած: Բանակի վրա մեղքը գցելը ճիշտ չէ, որովհետև պատերազմող բանակ ստեղծելու հանձնարարությունը պիտի քաղաքական ղեկավարությունը տա: Ոչ մի նախորդ իշխանություն այս խնդիրը չի տվել: Բանակը պահպանել են ընդամենը երկրի ներսում իրենց իշխանությունն ուժեղացնելու նպատակով: Արգելված է եղել արդիական բանակ ունենալ, հայկական մոդելի բանակ ստեղծել, որի մասին մենք 20 տարի խոսել ենք: Նաև՝ Փաշինյանի օրոք: Փաշինյանը, բացի պոպոլիզմից, որը մատուցեց մեզ սնունդի որակը բարձրացնելով և ամեն ինչը շոու կազմակերպելով, ուրիշ ոչ մի բան չի տվել»: Նա անդրադարձավ նաև «Սովետական Միությունից մնացած մոբիլիզացիոն թատրոններին», որոնք 20-30 տարի կազմակերպել ու փող են աշխատել բոլոր գեներալները: «Ըստ էության, մենք պատերազմի չենք պատրաստվել»,- ասում է Սեֆիլյանը: