Չինաստանում կորոնավիրուսի նոր շտամ են հայտնաբերել

Շանհայի բժիշկներն առաջին անգամ Չինաստանի տարածքում կորոնավիրուսի նոր շտամ են հայտնաբերել, որն ավելի վաղ հայտնաբերվել էր Մեծ Բրիտանիայում: Այս մասին այսօր հայտնել է China Daily թերթը։
Դեկտեմբերի 14-ին Միացյալ Թագավորությունից Շանհայ վերադարձած 23-ամյա ուսանողուհու կորոնավիրուսի թեստը դրական արդյունք է ցույց տվել: Վերցրած նմուշի լաբորատոր հետազոտությունը հաստատել է նրա օրգանիզմում շտամի առկայությունը, որն ավելի վաղ տարածվել էր Մեծ Բրիտանիայում։ Նրան տեղափոխել են հիվանդանոց՝ մեկուսացման համար։
Դեկտեմբերի 12-ին՝ Չինաստան մեկնելուց 2 օր առաջ, նրա թեստը բացասական է եղել։