«Հայի ցավերին վերջ դնողը հայն է միայն». Աշոտ Ասատրյան

ՀՀ առողջապահական և աշխատանքի տեսչական մարմնի ղեկավարի օգնական, ռազմական վերլուծաբան Աշոտ Ասատրյանը ֆեյսբուքյան իր էջում գրել է. «Ոչ մի տարի ու ոչ մի կենդանի վերջ չի կարող տալ հայի ցավերին: Ամենահեշտ բանը երազանք պահելն է, որ հեսա տարին կամ խորհրդանիշը մեզ կփրկի ցավերից ու այդպես ամեն տարի հաջորդ տարվա մասին՝ թող այս նոր տարին վերջ տա հայի ցավերին…
Հայի ցավերին վերջ դնողը հայն է: Հայի ցավով ապրողը հայն է: Հայի ցավը զգացողը հայն է: Հային ցավացնողը, ցավոք, կրկին հայն է:
Մենք, միայն ու միայն մենք, պետք է ուժ գտնենք ու դուրս գանք ցավի մեջից: Այլ տարբերակ, այլ վերջաբան պարզապես չկա: Որքան շուտ մենք դա հասկանանք, այնքան շուտ վերջ կդնենք ցավերին: Կյանքը մեզ ևս 365 օր նվիրեց, որպեսզի կարողանանք ուժ հավաքենք, ևս 365 ապրելու ու արարելու, հզորանալու և հաղթելու օր մենք ունեցանք: Փառք ընկածներին, Ուժ և միասնություն ապրողներին»: