«Բոլորս ենք մեղավոր, որ դավաճանը ճակատագրական որոշումներ ընդունելու հնարավորություն է ստացել». Կարեն Վրթանեսյան

Ռազմական հարցերով փորձագետ Կարեն Վրթանեսյանը ֆեյսբուքյան իր էջում գրել է. «Բոլորիս համար ճակատագրական որոշումներ կայացնելու մենաշնորհը Նիկոլինն է, բայց չգիտես՝ ինչու, երբ իր որոշումների հետևանքով աղետ է լինում, պարզվում է՝ «բոլորս ենք մեղավոր»։

Իր իսկ հռչակած «տնտեսական հեղափոխությունը» տապալվե՞ց։ «Բոլորս ենք մեղավոր»։

Քովիդի դեմ պայքարը տապալվե՞ց։ «Բոլորս ենք մեղավոր»։ Պատերազմը խայտառակ պարտվեցինք, հազարավոր կյանքեր կորցրինք, Արցախը կորցրինք, երկիրը պատառ առ պատառ տալիս են թշնամուն... «Բոլորս ենք մեղավոր»։

Բայց որոշակի ճշմարտություն իր ասածում կա. բոլորս ենք մեղավոր, որ լկտի ու տգետ դավաճանը բոլորիս համար ճակատագրական որոշումներ ընդունելու հնարավորություն է ստացել։

Շատերդ մեղավոր եք իրեն իշխանության բերելու համար, քչերս՝ բավականաչափ կատաղի դրա դեմ չպայքարելու համար։

Պատերազմի ավարտից հետո շատ եմ ասել, որ սա հետո մեզ է մեղադրելու, որ իրեն ռադ չարեցինք։ Այդպես էլ եղավ։
Իսկ առջևում նոր խայտառակ զիջումներ են...»: