Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Մարդը սխալական է»․ Էդուարդ Շարմազանով

«Մարդը սխալական է»․ Էդուարդ Շարմազանով
383
Կիրակի, 03 հունվարի, 2021 թ., 12:25

Էջմիածնի Սուրբ Գայանե եկեղեցում մեկնարկել է 2021 թվականի առաջին պատարագը։ Այստեղ են Գարեգին Բ-ին աջակցելու նպատակով հավաքված մի խումբ քաղաքացիներ, այդ թվում՝ ՀՀԿ անդամներ։ Մինչ այս պահը բողոքի ակցիա իրականացնող քաղաքացիներ, ինչպես սպասվում էր, այստեղ չկան։ ՀՀԿ խոսնակ Էդուարդ Շարմազանովը դա պայմանավորում է Գարեգին Բ-ի աջակիցների ներկայությամբ։
«Ես չեմ բացառում, որ եթե այստեղ մեծ քանակությամբ հանրություն չհավաքվեր, որևէ պրովոկացիա չէր արվի։ Եթե երկուսուկես տարի առաջ էլ սենց համախմբված հավաքվեինք Մայր Աթոռի շուրջը, դժվար թե որևէ մեկը հանդգներ Վեհափառի նկատմամբ անհարգալից վերաբերմունք ցուցաբերեր։ Բայց մարդը սխալական է, և մեր սխալների ու բացթողումների վրա ենք սովորելու և լինելու ենք միշտ մեր եկեղեցու կողքին»,- ասաց նա։

Հիշեցնենք, որ երեկ Տեր Սահակ քահանա Գալստյանը ֆեյսբուքյան իր էջում հայտնել էր, որ այսօր Սուրբ Գայանե եկեղեցում Գարեգին Բ-ին գահընկեց անելու համար տեղի է ունենալու բողոքի ցույց։