«Իրականում ռուսներն ու թուրքերն իրար են մշտականապես դիտարկելու Արցախում». Ստ. Դանիելյան

Քաղաքագետ Ստեփան Դանիելյանը ֆեյսբուքյան իր էջում գրել է. «Ռուս-թուրքական մոնիթորինգային կենտրոնը ում և ինչն են մոնիթորինգ, այսինքն մշտադիտարկում անելու։ Այս հարցն է առանցքայինը։ Առաջին հայացքից թուրքական թռչող սարքերը հայերին են հետևելու, իսկ ռուսականը՝ ադրբեջանցիներին, սակայն երկրորդ հայացք գցելուց հետո իրականությունն այնքան էլ միանշանակ չէ։
Իրականում թուրքերը ստուգելու են ռուս խաղաղապահների քանակը, որ չավելացնեն, զենքերի տեսակներն են հաշվառելու, իսկ ռուսները՝ թուրք-ադրբեջանական։ Իրականում ռուսներն ու թուրքերն իրար են մշտականապես դիտարկելու։ Սա փոխում է այդ կենտրոնի խնդիրներն ու նպատակները, նաև՝ հետևանքները։ Իսկ զարգացումները խոստանում են անկանխատեսելի լինել, կամ էլ՝ կանխատեսելի։
Մեր մեծ ռեգիոնում ռազմական կուտակումներ են սկսվել, իսկ ռեգիոնի շուրջն անհանգիստ է»: