«Պարադոքսալ պահ կա, որի վրա առանձնապես ուշադրություն չդարձվեց». Արտյոմ Տոնոյան

Իրանագետ Արտյոմ Տոնոյանը ֆեյսբուքյան իր էջում գրել է. «Մի պարադոքսալ պահ կա, որի վրա առանձնապես ուշադրություն չդարձվեց։
Աղդամը, Ֆիզուլին, Ջաբրայիլը, Զանգելանը, Կուբաթլուն, Լաչինն ու Քելբաջարը մեր իշխող վերնախավի և հասարակության մեծ մասի համար Ղարաբաղ չէին, ադրբեջանական տարածքներ էին, որոնք պետք էր «վերադարձնել տերերին»։
Սրան զուգահեռ, ինչքան էլ զարմանալի թվա, Ադրբեջանի քաղաքական վերնախավի և հասարակության պատկերացումներում 30 տարվա ընթացքում դրանք հասցրել էին դառնալ Ղարաբաղ։ Ու պատահական չէր, որ բոլոր նշված տարածքները գրավելուց ասվող կարգախոսը մեկն էր. «Qarabağ bizimdir. Qarabağ Azərbaycandır»։