«Տալու ենք անհարմար հարցեր. փաստահավաք խումբ պետք է ստեղծվի». Էդմոն Մարուքյան

ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր լրագրողների հետ զրույցում հայտնեց, որ իրենք առաջարկել են ստեղծել փաստահավաք խումբ՝ քննելու 44-օրյա պատերազմի դեպքերը. «Նախագիծն արդեն ուղարկված է բոլոր ուժերին, որոնք պետք է մասնակից լինեն փաստահավաք խմբին: Երբ ստեղծվի փաստահավաք խումբը, բոլորը կհարցաքննվեն՝ և՛ ԱԳ նախարարը, և՛ վարչապետը, և՛ Պաշտպանության նախարարը, և՛ ԳՇ պետը, և՛ զինվորականները, կամավորները, բոլորը կհարցաքննվեն, կիմանանք՝ ինչ ա եղել»,- ասաց Մարուքյանը:

Նրա խոսքով՝ վարչապետ Փաշինյանի՝ հոդվածով հարցերին պատասխանելու ձևաչափը չի կարող տալ բոլոր հարցերի պատասխանները, քանի որ դա մենախոսություն է, և, ըստ Մարուքյանի, Փաշինյանն անդրադառնում է այն հարցերին, որոնց ուզում է:

«Նա ընտրում է իրեն հարմար հարցեր և տալիս դրանց պատասխանները: Մենք տալու ենք անհարմար հարցեր, իսկ անհարմար հարցերի համար պետք է ստեղծվի իմ նշած փաստահավաք խումբը»,- նշեց Մարուքյանը:

Մանրամասները՝ տեսանյութում: