«Սա և սրա նմանները պետք է պատասխանատվության կանչվեն». Տիգրան Խզմալյան

615

Ուրբաթ, 08 հունվարի, 2021 թ., 12:35

Կինոռեժիսոր Տիգրան Խզմալյանը ֆեյսբուքյան իր էջում գրել է. «Սա և սրա նմանները պետք է պատասխանատվության կանչվեն ՀՀ Սահմանադրությունը, Անկախության հռչակագիրը ոտնահարելու կոչերի համար՝ ՀՀ օրենսդրության «պետական դավաճանություն» հոդվածով։ Բայց շատ ավելի ծանր դատավճիռ է սպասում սրանց 5000 զոհված հերոս ազատամարտիկների սխրանքը պղծելու ու դավաճանելու համար։

ՀՀ Քրեական օրենսգրքի Հոդված 299. Պետական դավաճանությունը՝ թշնամու կողմն անցնելը, լրտեսությունը, օտարերկրյա պետությանը կամ օտարերկրյա կազմակերպությանը կամ դրանց ներկայացուցիչներին պետական գաղտնիք հանձնելը կամ թշնամական գործունեություն իրականացնելու համար այլ օգնություն ցույց տալը, որը կատարել է Հայաստանի Հանրապետության քաղաքացին՝ ի վնաս Հայաստանի Հանրապետության ինքնիշխանության, տարածքային անձեռնմխելիության կամ արտաքին անվտանգության՝ պատժվում է ազատազրկմամբ՝ տասից տասնհինգ տարի ժամկետով՝ գույքի բռնագրավմամբ կամ առանց դրա»: