«Բերեք, էդ մարդու էրեխուն տվեք իրան, թող վառոտը չջարդի». Արսեն Ղուկասյան

Արսեն Ղուկասյանը, որը փնտրում է պատերազմի ժամանակ անհետ կորած եղբորը և եղբորորդուն, ֆեյսբուքյան տեսաուղերձի ժամանակ անդրադարձել է ՊՆ-ի դարպասներին մեքենայով հարվածած քաղաքացու ձերբակալությանը, ով նրա խոսքով՝ անհետ կորած զինծառայողի ծնող է:

«Տեղեկացա, որ մի քանի օր առաջ ՊՆ-ի մոտ միջադեպ ա եղել: Ծնողին, որ ինչ-որ գործողություն ա կատարել, 72 ժամով կալանքի տակ են վերցրել»,- ասաց Արսեն Ղուկասյանը՝ նշելով, որ նույն հաջողությամբ պիտի դատվեն այն անձինք, ովքեր հասցրել են այդ վիճակին:

«Էդ ամեն ինչի առաջին մեղավորը դուք եք, արա՛, բա երկու ամիս ա՝ ճղում ենք մեզ… Բերեք, էդ մարդու էրեխուն տվեք իրան, թող վառոտը չջարդի…»,- զայրացավ Արսեն Ղուկասյանը: