««Կիկոլին սատկացնելու» հրապարակային կոչեր հնչեցնելու փաստով հարուցվել է քրեական գործ»․ Մ․ Շուշանյան

Փաստաբան Մուշեղ Շուշանյանը ֆեյսբուքյան իր էջում գրել է․ «Վերջապես այսօր քննիչի կողմից ինձ պաշտոնապես հայտնվեց, որ FB իմ այս գրառումներում «կիկոլին սատկացնելու» հրապարակային կոչեր հնչեցնելու փաստով դեռևս 16.12.2020-ին հարուցվել է քրեական գործ, որով ես ունեմ կասկածյալի կարգավիճակ քրեական օրենսգրքի 226.2 հոդվածի 1-ին մասով։ Կիրառվեց խափանման միջոց. ստորագրեցի, որ պարտավորվում եմ չբացակայել բնակության վայրից։
Տվեցի ցուցմունք, որում նշեցի, որ կիկոլը դավադիր գործարքի մեջ է մտել թշնամու՝ ադրբեջանի և թուրքիայի հետ, այնուհետև պայմանավորված պատերազմի է տարել Հայաստանը՝ Հայաստանի ինքնիշխան տարածքի մաս կազմող Արցախը թշնամուն հանձնելու նպատակով։ Ընդ որում՝ որպեսզի, ըստ իրեն, կասկածներ չառաջանան, որ նա թշնամու հետ դավադիր գործարքի մեջ է, նա գիտակցաբար դա արել է հազարավոր, հիմնականում նոր կյանք մտած ժամկետային զինծառայողների կյանքերը զոհելով, հետագայում արդարանալու համար, որ կապիտուլյացիայի ստորագրումն անխուսափելի էր և անհրաժեշտ էր նոր զոհերից խուսափելու համար։ Նշեցի, որ նա իրավասու չէր և լիազորված չէր նման հայտարարություն ստորագրելու և թեկուզ հենց միայն այդ փաստի ուժով յուրացրել է իշխանությունը և այն բիրտ ուժով պահում է թշնամու առաջ ստանձնած իր պարտավորություններն ավարտին հասցնելու համար։ Նշեցի, որ ցանկացած ինքնիշխան և առողջ պետության մեջ նման դավաճանին զինվորական վերնախավը կմեկուսացներ դեռ պատերազմի ժամանակ, սակայն քանի որ դավաճանությանը մասնակից են եղել նաև որոշ բարձրաստիճան զինվորականներ, դա տեղի չունեցավ, ուստի իսպառ հայրենազրկմամբ սպառնացող վերջնական ցեղասպանությունը կանխելու համար ազգադավ հայրենավաճառ դավաճանի ֆիզիկական ոչնչացումը Հայ ժողովրդի համար կենսական, գոյաբանական անհրաժեշտություն է։
Վերջում պահանջեցի, որպեսզի ինձ մեղադրանք առաջադրեն և գործը հնարավորինս արագ ուղարկեն դատարան։
Ուրախ եմ, որ հնարավորություն է լինելու իմ դեմ դատավարությունը դավաճանի դեմ դատավարության վերածելու՝ Հայ ժողովուրդն ընդդեմ դավաճանի»։