Կյանքից հեռացել է անվանի ֆուտբոլիստ Ռոմիկ Վարդազարյանը

Կյանքից հեռացել է Երևանի «Արարատի» նախկին ֆուտբոլիստ Ռոմիկ Վարդազարյանը:

Հունվարի 19-ին անվանի ֆուտբոլիստի առողջական վիճակը կտրուկ վատթարացել է: Մահվան պատճառ է դարձել սրտի կաթվածը: Նա 60 տարեկան էր:

Ռոմիկ Վարդազարյանը մեծ հարգանք էր վայելում ֆուտբոլային աշխարհում:

Ֆուտբոլային կարիերայի ընթացքում Ռոմիկ Վարդազարյանը հանդես է եկել «Կոտայքում» ու «Արարատում»: Կարիերան ավարտելուց հետո մի քանի տարի զբաղվել է նաև մարզչական աշխատանքով:

Ռոմիկ Վարդազարյանի հոգեհանգստի արարողությունը տեղի կունենա հունվարի 21-ին՝ ժամը 18.00-ին, «Հավերժություն» սգո սրահում (հասցե՝ Բագրատունյաց 44):