Հինգշաբթի, 25 հունիսի, 2026 թ.
|
Ստեփանակերտում`   +18 °C

Մեքսիկայի նախագահը վարակվել է կորոնավիրուսով

Մեքսիկայի նախագահը վարակվել է կորոնավիրուսով
2804
Երկուշաբթի, 25 հունվարի, 2021 թ., 12:10

Մեքսիկայի նախագահ Անդրես Մանուել Լոպես Օբրադորը վարակվել է կորոնավիրուսով։ Այդ մասին լատինամերիկյան պետության ղեկավարը հայտնել է իր Twitter-ում։
«Ցավով տեղեկացնում եմ ձեզ, որ վարակվել եմ կորոնավիրուսով,- ասված է գրառման մեջ:- Ախտանիշները թեթև են, բայց ես արդեն բուժում եմ ստանում: Ինչպես միշտ՝ ես լավատես եմ»։
67-ամյա քաղաքական գործչի խոսքով՝ առավոտյան կոնֆերանսներին իրեն կփոխարինի ներքին գործերի նախարար Օլգա Սանչես Կորդերոն:
«Երկրի ղեկավարմանը կհետևեմ Ազգային պալատից»,- հավելել է նա: