«Երևանում հաստատապես անհրաժեշտ է նրանից հարցնել՝ ո՞րն է իրանյան այս «ոգևորության» պատճառը»․ Ն․ Դիլբարյան

«Ժառանգություն» կուսակցության նախագահ Նարինե Դիլբարյանը ֆեյսբուքյան իր էջում գրել է. «Նոր դիվանագիտության ժամանակն է՝ ԵԽԽՎ-ն սառնասիրտ անտեսում է հայ ռազմագերիների վերադարձի քննարկումը՝ ի հեճուկս Ադրբեջանի նախագահ Ալիևի կողմից միջազգային իրավունքի բոլոր նորմերի խախտման, Իրանի արտգործնախարար Մոհամմադ Զարիֆը ադրբեջանում այնպիսի պերճախոսությամբ է ալիևին շնորհավորում, հաճոյանում, սիրաշահում հաղթանակների, հայոց «զավթումից» ազատագրված տարածքների առումով, խանդավառ օգնություն առաջարկում մեր տարածքներում ադրբեջանին զորակցելու՝ բառերով, ժպիտներով, գումարներով, որ մտածում ես՝ որքա՜ն է Իրանը սպասել, որ ՆԱՏՕ-ի անդամ, Իսրայելի բարեկամ Թուրքիան գա ու իր սահմաններին ամրանա, ու վերջապես դույն երազանքը կատարվել է, Երևանում հաստատապես անհրաժեշտ է նրանից հարցնել, որն է իրանյան այս «ոգևորության» պատճառը, կյանքը հարափոփոխ է, շատ ուրախանալու և տխրելու առիթ չկա, կարևորը մտածելն է ու վերլուծելը: մեզ արտաքին քաղաքական վերամեկնարկ է պետք, անկախ նոր ԱՄՆ դեսպանացուի բարձրացրած աղմուկից»: