Երեքշաբթի, 19 մարտի, 2024 թ.
|
Ստեփանակերտում`   +4 °C

Հետին պլանում ենք թողել հոգևոր արժեքները. «Հրապարակ»

Հետին պլանում ենք թողել հոգևոր արժեքները. «Հրապարակ»
280
Չորեքշաբթի, 27 հունվարի, 2021 թ., 09:50

«Հրապարակ» թերթը գրում է. «Այս լուսանկարն արվել է Երևանի ներքաղաքային թիվ 41 երթուղու ավտոբուսներից մեկում: Նախ փակցվել է Ամենայն հայոց կաթողիկոս հանգուցյալ Գարեգին Ա-ի խոսքը. «Մեր կյանքում ամենից մեծ մեղքը 8-րդ «մահացու մեղք»-ն է՝ անտարբերությունը»:

Իսկ ինչ-որ ժամանակ անց դրա վրա փակցվել է այս զգուշացումը. «Ուշադիր եղեք պայուսակին, հեռախոսին, դրամապանակին»: Եթե առաջին պաստառի բովանդակությանը՝ քրիստոնեական արժեքներին հավատարիմ լինեինք, 2-րդ պաստառի կարիքը չէր լինի:

Եզրակացություն. հետին պլանում ենք թողել հոգևոր արժեքները, բարձր արժեքներից խոսում ենք բացառապես ձևականորեն, դրանք «ծածկում» ենք առաջին պատահած բանով և քաղաքացուն առաջարկում ենք՝ ոնց ուզում ես, գլխիդ ճարը տես: Այս երկու պաստառի համադրությունը մեր այսօրվա կյանքն է»:

Մանրամասները՝ թերթի այսօրվա համարում: