«Ինչ հետաքրքիր ԱԱԾ ունենք». Հայկ Գրիգորյան

300

Շաբաթ, 30 հունվարի, 2021 թ., 02:05

«Ազգային առաջընթաց» կուսակցության լրատվության ղեկավար Հայկ Գրիգորյանը ֆեյսբուքյան իր էջում գրել է. «Ինչ հետաքրքիր ԱԱԾ ունենք բայց. Բադասյանին ձերբակալում են, որ ասել է՝ Նիկոլին կհեռացնենք, այդ թվում՝ ֆիզիկապես, բայց երբ Նիկոլը երկու տարի առաջ ասեց, որ իրեն գործարարներն ասել են, որ իրենք ժամանակին ճամպրուկով փող են տարել Բ26 Սերժ Սարգսյանին, մեր փառապանծ ԱԱԾ-ն որևէ մեկին չձերբակալեց։

Նույնիսկ երբ մենք գրավոր դիմեցինք ԱԱԾ ու դատախազություն, որ պարզեն Սերժին ճամպրուկով գումար տանելու հանգամանքները, քանի որ դա կաշառատվության և կաշառակերության հանցակազմի ակնհայտ տարրեր էր պարունակում, որևէ գործողություն չարվեց։

Նոյեմբերից սկսած հարյուրավոր փաստեր հրապարակվեցին դավաճանության մասին, ու կրկին մեր փառապանծ ԱԱԾ-ն որևէ բան չպարզեց, չքննեց ու որևէ մեկը չձերբակալվեց։

Դե էսքանից հետո որևէ մեկը կարո՞ղ է պնդել՝ որն է Սերժի ու Նիկոլի տարբերությունը, տվյալ դեպքում՝ ԱԱԾ աշխատանքի մասով»։