ԱԱԾ-ն Վահան Բադասյանին կալանավորելու միջնորդություն է ներկայացրել

ԱԱԾ-ի կողմից երեկ ձերբակալված ազատամարտիկ Վահան Բադասյանին կալանավորելու միջնորդություն է ներկայացվել դատարան: Այս մասին հայտնել են ԱԱԾ մամուլի կենտրոնից:

Հիշեցնենք՝ «Եռաբլուր» զինվորական պանթեոնում, լրագրողների հետ զրույցում, Բադասյանն ասել էր. «Նիկոլ Փաշինյանին պետք է հեռացնենք ոչ միայն պարտության սիմվոլ, այլ նաև թշնամի, ընդհուպ մինչև ֆիզիկապես հեռացնելը՝ նաև զենքի միջոցով։ Այո՛, ես սպառնալիքի կոչեր եմ անում, գիտակցաբար եմ անում, թող ԱԱԾ-ն ինձ ձերբակալի: Մենք պետք է նախ մաքրենք երկիրը թշնամուց, հետո մյուս հարցերը լուծենք»: