«Պետական համակարգում թաքնված են անբավարար մասնագիտական գիտելիքներ ունեցող մարդիկ». Արմեն Դանիելյան

ՀՀ գլխավոր դատախազի նախկին տեղակալ Արմեն Դանիելյանը ֆեյսբուքյան իր էջում գրել է. «Այսօր մենք ունենք վիճակագրական և բովանդակային իրողություն: Վիճակագրական իրողությունն այն է, որ պետական կառավարման համակարգում պաշտոնների հետևում այսօր թաքնված են անբավարար մասնագիտական գիտելիքներ ունեցող մարդիկ:

Նրանցից շատերն իրենց համարում են անձեռնմխելի, իսկ մարդկանց նկատմամբ ունեն քամահրական վերաբերմունք: Ակնհայտ է, որ ոմանք «տեղավորվել են» կառավարական (աշխատա)սենյակներում և գործում են բացառապես մարդկանց նվաստացնելու և «դժբախտացնելու» սկզբունքով... ու իրենց թվում է՝ ունեն օրենքից վեր լինելու իրավունք...

Բայց դա իրենց միայն թվում է... ու լրջանալու փոխարեն օրենքից իրեն վեր դասողներն ավելի ու ավելի են անլրջանում... իսկ ոմանց պահվածքն ու քայլվածը բնորոշ է այլմոլորակայիններին... Պարզապես, լրջացե՛ք...»: