«Դավիթ Գալստյանը որևէ մեղադրանք չի ընդունում»․ պաշտպան

Երևան քաղաքի ընդհանուր իրավասության դատարանը՝ դատավոր Մնացական Մարտիրոսյանի նախագահությամբ, հեռացել է խորհրդակացական սենյակ՝ Պատրոն Դավոյի խափանման միջոցի վերաբերյալ որոշում կայացնելու:
Պատրոն Դավո մականունով հայտնի Դավիթ Գալստյանը դատարանից հեռացավ՝ առանց լրագրողների հարցերին պատասխանելու:
Նրա պաշտպան Արմեն Հարությունյանը լրագրողների հետ զրույցում ասաց, որ Դավիթ Գալստյանն իրեն առաջադրված մեղադրանքը չի ընդունում։ Պաշտպանն այլ հարցերի չպատասխանեց՝ պարզաբանելով, որ գործում առկա է պետական և նախաքննական գաղտնիք:

«Պաշտպանյալս որևէ մեղադրանք չի ընդունում, հայտարարությունից էլ պարզ էր դա․․․։ Ինչ վերաբերում ա գործի ընթացքին, մի հատ տեսնենք՝ դատարանն ինչ որոշում ա կայացնում, եթե անհրաժեշտություն եղավ, Դավիթ Գալստյանը հայտարարությամբ հանդես կգա»,- լրագրողների հետ զրույցում ասաց պաշտպանը։