«Մեզ ասացին՝ կեղծ փաստաթուղթ ա ձեր մոտ»․ Մոսկվա մեկնած որոշ քաղաքացիների հետ են ուղարկել ՀՀ

Փետրվարի 1-ին Մոսկվա մեկնած ՀՀ մի շարք քաղաքացիների արգելել են մուտք գործել ՌԴ, նրանք հետ են վերադարձել։

«Գնացել, հասել ենք Մոսկվա, տամոժնին անցնելիս մեզ արգելել են՝ ասելով որ սա անօրինական թուղթ ա։ Էս թղթի հիման վրա էլ մեզ զապրետ դրեցին, ասելով, որ կեղծ փաստաթուղթ ա մեզ մոտ։ 3 օր մեզ սոված պահեցին, մենակ ջուր ենք խմել»,- ասում է «Զվարթնոց» օդանավակայան վերադարձած ՀՀ քաղաքացիներից մեկը։

Նրա խոսքով՝ ՀՀ-ում իրենց հապճեպ ստուգել են, ուշադիր չեն եղել, որ COVID-19-ի թեստի պատասխանն արտացոլող փաստաթուղթը չի համապատասխանել պահանջված նորմերին․ «Մեր թուղթը հեռախոսով վերցրին, բայց QR կոդը սկան չարեցին ու մեզ անօրինական ճանապարհեցին ՌԴ, դրա համար էլ մենք գնացինք, հանդիպեցինք այս խնդիրներին»,- նշում է քաղաքացին՝ հավելելով, որ իրենց միակ պահանջն այն է, որ միայն խնդրին լուծում տան և հանվի նրանց վրայից ՌԴ մուտք գործելու արգելքը։

Մանրամասները՝ տեսանյութում։