Քանյե Ուեսթն ամուսնալուծությունից առաջ Քիմ Քարդաշյանի տնից 500 զույգ կոշիկ է տարել

2546

Հինգշաբթի, 04 փետրվարի, 2021 թ., 20:30

Ամերիկացի ռեփեր Քանյե Ուեսթը հեռուստաաստղ Քիմ Քարդաշյանի հետ ամուսնալուծությունից առաջ իրենց տնից վերցրել է իրեն պատկանող 500 զույգ կոշիկ, հաղորդում է Page Six հարթակը:
Աղբյուրը հայտնել է, որ Քանյե Ուեսթը վերցրել է ոչ թե բոլոր իրերը, այլ միայն մի քանիսը, այդ թվում՝ սպորտային կոշիկների իր մեծ հավաքածուն:
Նշվում է, որ Քիմ Քարդաշյանը քույրերի հետ նախապես լքել է Քալաբասասի առանձնատունը, որպեսզի նրա ամուսինը կարողանա վերցնել այն, ինչն անհրաժեշտ է:
Հունվարին մամուլում լուրեր էին հայտնվել Քիմի և Քանյեի ամուսնալուծության մասին: Փետրվարին երկրպագուները սկսեցին խոսել ամուսինների վերամիավորման մասին՝ Քիմ Քարդաշյանի հագին տեսնելով Քանյեի Yeezy ապրանքանիշի հողաթափերը, որը պատկանում է ռեփերին։