Թուրքիայում ընդդիմադիր կուսակցապետը կրկին պարտավորեցվել է փոխհատուցում վճարել Էրդողանին

Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) նախագահ Քեմալ Քըլըչդարօղլուի դեմ հերթական դատական վճիռն է կայացվել։ Պատճառը հանրապետության նախագահ Ռեջեփ Էրդողանին ուղղված նրա քննադատական հայտարարություններն են։

Քըլըչդարօղլուն պարտավորեցվել է Էրդողանին փոխհատուցում վճարել, չնայած այն հանգամանքին, որ ավելի վաղ Մարդու իրավունքների եվրոպական դատարանը (ՄԻԵԴ) թուրք կուսակցապետի դեմ թուրքական դատարանի վճիռները որակել էր որպես ազատ խոսքի իրավունքի ոտնահարում, գրել է Ermenihaber-ը։
Նշենք, որ այս անգամ Թուրքիայի նախագահ Էրդողանի անունից ընդդիմադիր գործչի դեմ դատական գործ է հարուցվել 2019թ․ նոյեմբերի 26-ին Էրդողանի վերաբերյալ հնչեցրած քննադատական հայտարարությունների պատճառով։ Հայցվոր կողմը պահանջել էր 250․000 (35.000 ԱՄՆ դոլար) թուրքական լիրայի փոխհատուցում։

Գործը քննել է Անկարայի առաջին ատյանի դատարանը։ Դատական եզրափակիչ նիստը կայացել է փետրվարի 4-ին։ Դատարանը, անտեսելով ՄԻԵԴ-ի վճիռը, որոշել է բավարարել հայցվոր կողմի պահանջը մասնակիորեն՝ սահմանելով 100․000 (շուրջ 14․000 ԱՄՆ դոլար) լիրայի փոխատուցում։

Առավել մանրամասն՝ սկզբնաղբյուրում: