«Նման նշանակումների ժամանակ հաշվի առնո՞ւմ եք ընտրվող դատավորների՝ նախկինում կայացրած որոշումները». Հովսեփ Խուրշուդյան

«Ազատ քաղաքացի» քաղաքացիական նախաձեռնությունների աջակցման կենտրոնի ղեկավար Հովսեփ Խուրշուդյանը գրել է. «Ինչպես ինձ տեղեկացրեցին, Վճռաբեկ դատարանի քրեական պալատի դատավոր Լ․ Թադևոսյանը, ով մեղսակից էր Եվրոդատարանի կողմից օրերս ապօրինի ճանաչված Սարի թաղի գործով իմ և իմ պայքարակիցների կալանավորումների որոշումներն ուժի մեջ թողնելու հարցում, և, ինչպես կարող եմ կռահել, նախկին իշխանությունների քաղաքական պատվերով շատ այլ ապօրինի որոշումներ դակելու հարցում, Վճռաբեկ դատարանի նախագահի թեկնածու է, ակտիվորեն հանդիպում է ԱԺ խմբակցություններին։

Հիմա հարց եմ ուզում ուղղել «Իմ քայլը» և «Լուսավոր Հայաստան» խմբակցություններին. արդյոք նման նշանակումների ժամանակ հաշվի առնո՞ւմ եք ընտրվող դատավորների՝ նախկինում կայացրած որոշումները, որոնց ապօրինի լինելն առնվազն հաստատել է ՄԻԵԴ-ը: Կարճ ասած՝ վեթինգ անո՞ւմ եք:

Թե չզարմանանք, եթե առանց վեթինգի նման մեկը Վճռաբեկ դատարանի նախագահ ընտրվի»: