«Երկու բան կա, որ կարող է անել գործող կառավարությունը, և Հայաստանը հիմնահատակ քանդել». Գարեգին Միսկարյան

«Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է. «Հատկապես պատերազմի հետևանքներից հետո շատերի մոտ կարծիք կա, որ մենք հիմա ամենավատ կետում ենք, և սրանից վատ հնարավոր չի «կառավարել», հնարավոր չի պետությունը գլորել ավելի ներքև, ավելի հետ նույնիսկ օրվա կառավարող ուժի գերագույն ջանքերի շնորհիվ։

Բայց պիտի հիասթափեցնեմ։ Դեռ երկու բան կա, որ կարող է անել գործող կառավարությունը, և Հայաստանը հիմնահատակ քանդել։ Դրանցից մեկը՝ արտահերթ խորհրդարանական ընտրություններից հրաժարվելն է, և որպես հետևանք՝ քաղաքական ցնցումները, և մյուսը՝ Ամուլսարում ոսկու հանք շահագործելու քաղաքական որոշում կայացնելն է։

Ես գտնում եմ, որ կառավարող ուժի մոտ բավականին մեծ է անպատասխանատվության ինդեքսը՝ երկուսն էլ իրականացնելու համար։

Ո՛չ, սա դեռ հատակը չի, ընկերնե՛ր...»: