«Թողե՛ք մեդիան որոշի, թե որ աղբյուրին է պետք հղել»․ մեդիահետազոտող

Մեդիահետազոտող և փաստերի ստուգման մասնագետ Հարություն Ծատրյանը ֆեյսբուքյան իր էջում գրել է․ «Ես վստահ եմ, որ հարյուր հազարավոր քաղաքացիներ կողմ կլինեն, որ Հայաստանում ընդհանրապես եկամտահարկ չգանձվի, որևէ հարկային «բեռ» քաղաքացին չունենա, եթե իր եկամուտը չի գերազանցում, օրինակ, երեսփոխան Ալեն Սիմոնյանի պետական աշխատավարձը։
Հետևաբար, հանրային աջակցությունը միմիայն առաջ բերելով ու բրդելով՝ չի կարելի օրենսդրական փոփոխությունը համարել տեղին և ճիշտ։ Այլապես վերոնշյալ օրինակը վաղուց կգործեր և ոչ միայն Հայաստանում։ Որոշումներ կայացնողները միայն «բութ են այնպես, կարծես շինված են տապարով» դեմք ու բովանդակություն չպետք է ունենան։
Արգելելով, սահմանափակելով ԶԼՄ-ներին հղել կամ ձեր իսկ բառերով ու ձևակերպմամբ՝ «գովազդել անանուն մեդիա ռեսուրսները», իրական տեռոր է մեդիայի հանդեպ։ Թողե՛ք մեդիան ինքը որոշի, թե որ աղբյուրին է պետք հղել։ Եթե ուզում եք բացահայտել աղբյուրը, մեդիա ռեսուրսը գտնել, դա լիովին այլ բան է, և դրանով կարող են այլ մարմիններ զբաղվել առանց օրենքի։ Օրենքի փոփոխմամբ՝ ձեր ստեղծած գաղջ մթնոլորտը չի վերանալու ոչ երկրում, ոչ էլ երկրի սահմաններից դուրս։
Արդեն հետաքրքիր ֆիթբեք է գալիս արտերկրի ծանոթներից, ովքեր «անբախտ են եղել» լսելու մեր որոշ երեսփոխանների ելույթները Ստրասբուրգից, Բրյուսելից մինչև ԱԺ ամբիոն»։