«Մեր որոշումները վախենալու կոնտեքստում չեն կարող լինել». Մակունց

ԱԺ «Իմ քայլը» խմբակցության ղեկավար Լիլիթ Մակունցը պատասխանել է լրագրողների հարցերին:

Հիշեցնենք՝ երեկ «Իմ քայլը» հանդիպում էր ունեցել վարչապետի հետ, որի արդյունքում արձանագրվել էր, որ «արտահերթ ընտրություններ անցկացնելու մասին վարչապետի առաջարկը դրական արձագանք չի ստացել խորհրդարանական ընդդիմության կողմից, հասարակության լայն շերտերի շրջանում չկա արտահերթ ընտրությունների պահանջ»։

Մակունցի խոսքով՝ ընդդիմության կողմից իշխանափոխության պահանջը հնարավոր է իրականացնել բացառապես ընտրությունների միջոցով, «դրանով է պայմանավորված եղել, որ ասել ենք՝ եկեք քննարկենք, սակայն առաջարկը դրական լարձագանք չի ստացել»,- նշել է պատգամավորը: Հարցին՝ ինչպե՞ս եք պնդում, որ չկա հանրային պահանջ, պատասանել է. «Պահանջը ներկայացնողները ԶԼՄ-ներն են, քաղաքացիների հետ շփումները և այլն: Այդ շփումները չեն հաղորդում էդպիսի ազդակներ... Արտահերթ ընտրությունները խորհրդարանական ընդդիմության կողմից դրական արձագանք չեն ստացել»: Լրագրողների դիտարկմանը՝ Էդմոն Մարուքյանը նշել էր, եթե իշխող ուժն ուզում է արտահերթ ընտրություն, թող վարչապետը հրաժարական ներկայացնի, երկու անգամ չընտրվի ու ցրվի ԱԺ-ն: Վստահ չե՞ք, որ Ձեր խմբակցությունում գտնվեն մարդիկ, որ եթե այլ թեկնածու առաջադրվի, նրան ընտրեն, ասել է. «Որևէ խնդիր չենք տեսնում դրա հետ կապված»: Մակունցը հավաստիացրել է, որ իրենց որոշումները «վախենալու» համատեքստում չեն կարող լինել՝ նկատի ունենալով Քոչարյանի «մասնակցելու ենք ու կրելու ենք» հայտարարությունը: