«Մեր երկրի անվտանգության երաշխավորը չի կարող հանդիսանալ միայն Ռուսաստանը». Նիկա Բաբայան
266
Երեքշաբթի, 09 փետրվարի, 2021 թ., 00:35
«Կադանս» երաժշտության կենտրոնի հիմնադիր և գործադիր տնօրեն Նիկա Բաբայանը ֆեյսբուքյան իր էջում գրել է. «Բոլորս համոզվել ենք, որ Փաշինյանը վատ ղեկավար է, կիսագրագետ, ոչ մի հարցում ոչ կոմպետենտ, անբարո մանիպուլյացիաների վարպետ. կարճ ասած՝ յուրաքանչյուր երկրի համար ամենաանցակալի առաջնորդ։ Սա՝ իր քաղաքական պատկերը։ Մարդկային պատկերը ավելի զզվելի է։ Շատ կարճ՝ ստախոս, տղամարդուն չսազող ամենացածր վարկանիշներով անհատ, որի անինքնասիրությունը չունի սահման։ Պարզ է, որ այս որակներով պետական գործիչը և մարդը չի կարող անվերջ ձեռ առնել երկիրը, ժողովրդին և սփյուռքին։ Իհարկե, այս անձը պետք է հեռանա։ Բայց դա չի նշանակում, որ իր տեղը պետք է գրավեն նախորդները, որոնց հակաժողովրդական, անբարոյական թալանի ու վատ կառավարման պատճառով ժողովուրդը ընտրեց Փաշինյանի պես ոչնչությանը։ Ո՞ւմ մենք պետք է ընտրենք, երբ բոլոր հնարավոր թեկնածուներին չենք հավատում, չենք վստահում: Հասկանալի է, որ Ռուսաստանի մաս դառնալը վտանգավոր միամտություն է։ Գործընկեր՝ այո: Բարեկամ՝ այո: Բայց ոչ՝ գուբերնիա, ոչ Կրեմլի հնազանդ, անխոս կամակատար։ Ընտրությունը մենք պետք է անենք ունեցածից։ Ինչ ունենք, այն էլ ընտրելու ենք։ Լավ է, թե վատ, սա է ճշմարտությունը։ Բայց մինչ այդ՝ Փաշինյանը պետք է հեռանա; Պետք է բոլոր ուժերը նեռարվեն Հայաստանի նոր միջազգային ստատուս ձևակերպելու գործին. մեր երկրի անվտանգության երաշխավորը չի կարող հանդիսանալ միայն Ռուսաստանը. դա ինչպես հարուրամյա պատմությունը ցույց տվեց, կարող է կործանարար դառնալ երկրի համար։ Փաշինյանի հեռանալուց հետո պետք է անցկացվեն ընտրություններ, ընդունվի նոր սահմանադրություն, չեղարկվեն իշխող թիմի ընդունված օրենքների մեծ մասը։ Պետք է շատ բան արվի, յուրաքանչյուրդ կարող եք այս ցանկը շարունակել։ Ազգը ունի այնքան ազնիվ, խելացի, բանիմաց անհատներ, որ այս անգամ պետք է ընտրվեն անհատներ, ոչ թե կուսակցություններ։ Ամեն կուսակցություն, շարժում, միություն ունի այն անհատներին, որոնք և պետք է անցումային 1,5 տարվա ընթացքում կատարեն աներևակայելի բարդ աշխատանք և բերեն երկիրը ազնիվ ընտրությունների։ Կուզենայի առաջարկել Բևեռին և մի քանի այլ կազմակերպություններին այդ պատմական միսիան իրականացնելու համար։ Բայց ելնելով մի շարք հանգամանքներից կրկին առաջարկում եմ ժամանակավոր վարչապետի պաշտոնը վստահել Արման Թաթոյանին»։
