«Եվ այդ ամբողջը քո ու քո նման ոտնաշորերի մեղքով». Գերասիմ Վարդանյան

ՀՅԴ Նիկոլ Աղբալյան ուսանողական միության անդամ Գերասիմ Վարդանյանը ֆեյսբուքյան իր էջում գրել է. «Դուք այս ամեն ինչից հետո կորցրիք 3-4 պատգամավոր։
Գիտե՞ս, ա՛յ ոտնաշոր, որ այս ամեն ինչից հետո ինչ-որ մեկը կորցրեց որդուն, մեկը՝ ամուսնուն, մեկը՝ հորը, մեկը՝ եղբորը, մեկը՝ սիրած տղային, մեկը՝ ընկերոջը, մեկը՝ քայլելու հնարավորությունը, մեկը՝ սեփական ձեռքերով հաց ուտելու հնարավորությունը, մեկը՝ աչքի լույսը, մեկն՝ իր ծնողների գերեզմանը, մեկն՝ իր ձեռքերով կառուցած տունը, մեկը՝ վաղվա ապրլեու հույսը, և այդ մեկերը ոչ թե 3-4 հոգի էին, այլ մի քանի հազարն են։ Իսկ մի ամբողջ ժողովուրդ կորցրեց իր հայրենիքի մի մասն ու իր արժանապատվությունը, և այդ ամբողջը քո ու քո նման ոտնաշորերի մեղքով է, ա՛յ բազմակի օգտագործման մարմնավաճառ, բավական չէ՞, որ դու խոսես»: