«Կրճատեք քաղաքապետի խորհրդականների, վերջինների օգնականների, վարորդների հաստիքները». Թեհմինա Վարդանյան

Երևանի քաղաքապետարանի աշխատակազմի «Քարտուղարություն» և «Անձնակազմի կառավարման բաժին» ստորաբաժանումներում առաջարկվող փոփոխություններին անդրադառնալով՝ Երևանի ավագանու «Լույս» խմբացության անդամ Թեհմինա Վարդանյանն ասաց, որ «օպտիմալացում բառի տակ տեղավորում են ամեն ինչ՝ բացի իրական օպտիմալացումից»: «Կրճատեք քաղաքապետի խորհրդականների, խորհրդականների օգնականների, խորհրդականների վարորդների հաստիքները: Բերել եք, երկու բաժին միացնելով, անձնավորված ինչ-որ մղումներով, կպցնում եք իրար, որ ի՞նչ... Այսինքն, բոլոր պարերը պարել եք, մնացել ա «Սարի սմբո՞ւլը», մնացել ա թեժ գծի բարեհամբույր աշխատակիցների... Այո՛, մարդիկ ունենալու են սոցիալական խնդիրներ»,- ասաց նա: