«Ամաչելու բան է, ապրել այս ստորաքարշների հետ նույն երկնքի տակ»․ Արման Բաբաջանյան

Այսօր ԱԺ-ում ելույթի ժամանակ անկախ պատգամավոր Արման Բաբաջանյանն անդրադարձավ «Ուժեղ Հայաստան՝ Ռուսաստանի հետ» նախաձեռնության գործունեությանը՝ դատապարտելով այն և հարց հնչեցնելով, թե «ո՞ւր է ՀՀ ԱԱԾ-ն»։

«ՀՀ-ում բացվել է ՌԴ-ին քաղաքական, ճորտատիրական ծառայությունների մատուցման նոր համերգաշրջանը։ ՀՀ-ի և ՌԴ-ի խորը ինտեգրացիայի անհրաժեշտության մասին են խոսում ՀՀ նախագահի պաշտոնը զբաղեցրած Ռոբերտ Քոչարյանից սկսած բոլոր նրանք, ովքեր տարիներ շարունակ զբաղված են եղել բացառապես ՀՀ անկախությունն ու արժանապատվությունը ծախելով»,- ասաց նա։

Ըստ Բաբաջանյանի՝ նոր նախաձեռնությունն ու նրա ծավալած գործունեությունը ոչ թե սոսկ սպառնալիք են ՀՀ ինքնիշխանության դեմ, այլև՝ ՀՀ պետականության կազմաքանդման, սահմանադրական կարգի տապալման միջոցառում։ Ո՞ւր է մեր ԱԱԾ-ն։ Ո՞ւր է իշխանության արձագանքը․ ցանկացած կոչ՝ ուղղված մեր Սահմանդրության անփոփոխելի հոդվածների դեմ, պետք է քրեորեն պատժելի դարձնել․․․։ Ամաչելու բան է, ապրել այս ստորաքարշների հետ նույն երկնքի տակ, միևնույն հասարակության մեջ, որտեղ դեռ հերոսների արյունը չչորացած ջրի երես է դուրս եկել անհայրենիքությունը»,- հայտարարեց Բաբաջանյանը՝ հավելելով, որ առաջիկայում այդ թեմայի շրջանակներում հանդես կգա օրենսդրական նախաձեռնությամբ։