«Դուք գիտե՞ք, որ մենք թագավոր ունենք». Տիգրան Խզմալյան

«Ազգային ժողովրդական բևեռ»-ի անդամ, կինոռեժիսոր Տիգրան Խզմալյանը ֆեյսբուքյան իր էջում գրել է. «Հայրենակիցներ, դուք գիտե՞ք, որ մենք թագավոր ունենք։ Իսկական, օրինական, ժառանգական թագավոր։ Դա Իտալիայի թագաժառանգ Էմանուել Ֆիլիբերտն է, Վենետիկի իշխան, Իտալացիների և Հայոց թագավորը։ Ահա նա լուսանկարներում՝ ծնողների և կնոջ՝ Շարլոթի հետ։ Ես այդ մասին նախկինում էլ եմ գրել, պարզապես հիշեցնեմ։
1396 թվականին Կիլիկիայի վերջին հայոց թագավոր (Կիլիկիան հենց թագավորություն էր, ոչ արքայություն) Լևոն V մահից հետո, Հայոց թագն ու տիտղոսը փոխանցվեց նրա ազգականներին՝ Կիպրոսի թագավորներին։ Ապա Կիպրոսի, Երուսաղեմի և Հայաստանի թագավորությունների տիտղոսն անցավ իտալական Սավոյական դինաստիային, որի վերջին թագավորն էր Իտալիայի արքա Վիկտոր Էմանուելը։ 1946 թ․ հանրաքվեի արդյունքում Իտալիան դարձավ հանրապետություն, սակայն արքայական տիտղոսները չեն կորչում և Սավոյական Տունը պահպանեց ինչպես Իտալիայի, այնպես էլ Հայաստանի թագավորի անվանումն ու օրինական իրավունքը։ Եթե երբևէ ԿԳԲ-շնիկներից հոգնած ու զզված հայ ժողովուրդը որոշի վերականգնել իր թագավորական փառքն ու բարձրաշխարհիկ դիրքը եվրոպական ազգերի ընտանիքում, ահա մեր թագավորը։ Նա հիմա 49 տարեկան է։ Հայերեն չի խոսում, բայց անհրաժեշտության դեպքում կսովորի։ Երաշխավորում եմ»։